काठमाडौं- डिफेन्डिङ च्याम्पियन तथा आयोजक ब्राजिल मंगलबार कोपा अमेरिका-२०२१ को फाइनल पुगेको छ ।
उसले सेमिफाइनलमा पेरुलाई १-० ले पराजित गरेको हो ।
खेलको एक मात्र गोल लुकास पाक्वेलाले ३५ औं मिनेटमा गरे । नेयमारले सिर्जना गरेको अवसरमा पाक्वेलाले निर्णायक गोल गरेका हुन् ।
पेरुले दोस्रो हाफमा ब्राजिलसामु कडा चुनौती पेस गरे पनि गोल फर्काउन भने सकेन ।
अर्को सेमिफाइनलमा बुधबार अर्जेन्टिना र कोलम्बिया भिड्नेछन् । त्यसको विजेताले उपाधि–भिडन्तमा ब्राजिलको सामना गर्नेछ ।
प्रतिक्रिया दिनुहोस्
