जनता समाजवादी पार्टी (जसपा)का अध्यक्ष महन्थ ठाकुर र उपेन्द्र यादव निर्वाचन आयोग पुगेका छन् ।
आयोगले जसपाका दुवै पक्षलाई छलफलका लागि बोलाएसँगै उनीहरु आयोग पुगेका हुन् ।
अहिले आयोगमा महन्थ पक्षका महन्थसहित राजेन्द्र महतो, लक्ष्मणलाल कर्ण, सरदसिंह भण्डारी आइपुगेका छन् त्यस्तै अन्य नेताहरु पनि आउने क्रम जारी छ ।
हिजो उनीहरु छुट्टाछुट्टै रुपमा बैठक बसेका बसेका थिए ।
जसपा ठाकुर पक्षको बैठक अहिले बबरमहलमा तथा उपेन्द्र यादव पक्षको बैठक बालकुमारीमा बसेको थियो ।
पार्टीका अध्यक्ष ठाकुरले कार्यकारिणी समितिबाट यादव पक्षका २० जनालाई हटाएर आफूपक्षीय २० जना थपेका थिए । तर उनको त्यो कदमलाई निर्वाचन आयोगले अझै मान्यता दिएको छैन ।
निर्वाचन आयोगले जनता समाजवादी पार्टी (जसपा) मा सहमतिको लागि दुबै पक्षलाई आज बोलाएको थियो ।
प्रतिक्रिया दिनुहोस्
