काठमाडौं- नेपाल विद्यार्थी संघले सरकारविरुद्ध मसाल जुलुससहित प्रदर्शन गरेका छन् । मंगलबार काठमाडौंको प्रदर्शनीमार्गस्थित आरआर क्याम्पस अगाडि विद्यार्थीले सरकारबिरुद्ध विरोध प्रदर्शन गरेका हुन् । सो क्रममा विद्यार्थीले मसाल जुलुस निकालेका थिए ।
मसाल जुलुस निकाल्ने क्रममा प्रहरीले हस्तक्षेप गर्दा केहीबेर प्रहरी र विद्यार्थीबीच घम्साघम्सी भएको थियो । प्रदर्शनका क्रममा विद्यार्थीले सरकार विरोधि नारा लगाएका थिए । असंवैधानिक रुपमा संसद् विघटन गरेको भन्दै विपक्षी गठबन्धन आवद्ध विद्यार्थी संगठनले सरकारविरुद्ध प्रदर्शन गर्दै आएका छन् ।
प्रतिक्रिया दिनुहोस्
