काठमाडौं- राष्ट्रिय जर्सीमा प्रमुख उपाधि जितेपछि मेस्सी खुसी भएका छन् ।
कोपा अमेरिका र विश्वकप फुटबलमा लगातार प्रयास गर्दा पनि राष्ट्रिय सफलता हाल पार्न नसकेका मेस्सीले आफ्नो कप्तानीमा अर्जेन्टिनालाई कोपा अमेरिकाको उपाधि दिलाउन सफल भएपछि खुसी भएका हुन् ।
अर्जेन्टिनाले नेपाली समयअनुसार आइतबार बिहान भएको खेलमा साबिक विजेता ब्राजिललाई उसकै मैदानमा १-० ले पराजित गरेर कोपा अमेरिका फुटबलको उपाधि जितेको हो ।
२२ औँ मिनेटमा डी पलको सहयोगमा एन्जल डी मारियाले गरेको गोल नै अर्जेन्टिनालाई विजेता बनाउन सफल भयो ।
प्रतिक्रिया दिनुहोस्
