काठमाडौं- आज देशभर बदली रही धेरै स्थानमा पानी पर्न सक्ने छ । मौसम पूर्वानुमान महाशाखाकाअनुसार प्रदेश १, बागमती, गण्डकी र सुदूरपश्चिम प्रदेशका केही स्थानमा भने मेघ गर्जन र चट्याङसहित भारी वर्षाको सम्भावना छ ।
देशभर मनसुनी वायुको प्रभाव रहेको जानकारी दिँदै महाशाखाले प्रदेश १, बागमती र गण्डकीलगायत प्रदेशका केही स्थानमा पानी परिरहेको जानकारी दिएको छ ।
मंगलबार देशभर बदली रही अधिकांश स्थानमा पानी पर्न सक्ने छ । प्रदेश १, प्रदेश २, बागमती, गण्डकी, लुम्बिनी र सुदूरपश्चिम प्रदेशका केही स्थानमा भने भारी वर्षा हुन सक्ने छ । त्यस्तै प्रदेश १, बागमती र लुम्बिनी प्रदेशका केही भू–भागमा भने धेरै भारी वर्षाको सम्भावना छ ।
त्यस्तै बुधबार देशभर बदली रही धेरै स्थानमा पानी पर्ने छ । प्रदेश १, बागमती, गण्डकी प्रदेशका केही स्थानमा मेघ गर्जनसहित भारी वर्षाको सम्भावना छ । प्रदेश १ का केही स्थानमा भने धेरै भारी वर्षा हुने महाशाखाको पूर्वानुमान छ ।
