नेकपा एमालेमा आवद्ध पूर्वमाओवादी नेता टोपबहादुर रायमाझीले माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टीलाई खल्तीको पैसा बनाएको आरोप लगाएका छन् ।
सूत्र मिडियाको साझा सरोकार कार्यक्रममा बोल्दै नेता रायमाझीले प्रचण्डमाथि पार्टीलाई भूमिगत शैलीमा सञ्चालन गरेको आरोप लगाएका हुन् ।
रायमाझी प्रचण्ड नेतृत्वको माओवादी केन्द्रबाट एमालेमा लागेका थिए । गत पुस ५ गते प्रतिनिधि सभाको पहिलो विघटनपछि प्रधानमन्त्रीसमेत रहेका तत्कालीन नेकपा अध्यक्ष केपी शर्मा ओलीलाई साथ दिएका नेता हुन् ।
सर्वोच्च अदालतले फागुन २३ गते नेकपाको एकता भंग गरेर एमाले र माओवादी केन्द्र ब्युँताएपछि रायमाझीलगायतका करीब २ दर्जन माओवादी नेताहरू एमालेमा लागेका थिए ।
प्रस्तुत छ नेकपा एमालेका स्थायी कमिटी सदस्य एवम् पूर्व उपप्रधानमन्त्री टोपबहादुर रायमाझीसँग साझा सरोकारका लागि ऋषि थपलियाले गरेको भिडियो कुराकानी-
