काठमाडौं- स्पेनिस ला लिगा च्याम्पियन एथ्लेटिको मड्रिडले अर्जेन्टिनाका मिडफिल्डर रोड्रिगो डी पललाई अनुबन्धित गरेको छ । उनलाई युडिनेशबाट एथ्लेटिकोले आफ्नो क्लब ल्याएको हो ।
डी पलले पाँच वर्षको सम्झौता गरेका छन् । २७ वर्षका डी पल कोपा अमेरिका जित्ने अर्जेन्टिनी टिमको सदस्य हुन् । उनी सन् २०१४ देखि २०१६ सम्म भ्यालेन्सियाबाट ला लिगामा खेलेका थिए ।
सिरी ए क्लब युडिनेशबाट उनी झण्डै ३५ मिलियन युरोमा एथ्लेटिको मड्रिड आएको स्पेनिस सञ्चारमाध्यमहरुले जनाएका छन् ।
प्रतिक्रिया दिनुहोस्
