काठमाडौं- नवनियुक्त प्रधानमन्त्री शेरबहादुर देउवाको शपथ समारोहमा सहभागी हुन ३ जना पूर्वप्रधानमन्त्री उपस्थित भएका छन् ।
नेकपा (एमाले) का वरिष्ठ नेता तथा पूर्वप्रधानमन्त्री माधव नेपाल, माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल (प्रचण्ड) र जनता समाजवादी पार्टी, नेपाल (जसपा) का संघीय परिषद् अध्यक्ष तथा पूर्वप्रधानमन्त्री डा.बाबुराम भट्टराई उपस्थित छन ।
पूर्वप्रधानमन्त्री भलनाथ खनाल भारतमा उपचार गराइरहेका कारण उपस्थित हुन सकेनन् । निवर्तमान प्रधानमन्त्री केपी शर्मा ओली भने यो समाचार तयार पार्दासम्म उपस्थित भएका छैनन् ।
प्रधानमन्त्री नियुक्तिमा संविधानको धारा उल्लेख नगरेको भन्दै देउवाले शपथग्रहण अस्वीकार गरेका छन् ।
प्रतिक्रिया दिनुहोस्
