काठमाडौं- पूर्वप्रधानमन्त्री डा.बाबुराम भट्टराईले एमाले अध्यक्ष केपी शर्मा ओली खेमा अब न्यायपालिकालाई ध्वस्त पार्नेगरी अघि बढेको आरोप लगाएका छन् । जनता समाजवादी पार्टी, नेपाल (जसपा) का संघीय परिषद्का अध्यक्षसमेत रहेका डा.भट्टराईले ओली खेमा कार्यपालिका र व्यवस्थापिकलाई ध्वस्त पारेपछि अब न्यायपालिकामाथि खनिएको बताएका हुन् ।
सर्वोच्च अदालतले २८ असारमा कांग्रेस सभापति शेरबहादुर देउवालाई प्रधानमन्त्री बनाउने गरी दिएको परमादेशविरुद्ध एमालेले देशव्यापी भण्डाफोर अभियान चलाउने निर्णय गरेको छ । शुक्रबार बसेको एमाले संसदीय दलको बैठकले यस्तो निर्णय गरेको सन्दर्भमा डा.भट्टराईले सामाजिक सञ्जालमार्फत अब एमाले न्यायपालिका ध्वस्त पार्ने अभियानमा जुटेको आरोप लगाएका हुन् ।
खड्गप्रसाद एण्ड कम्पनीले कार्यपालिका र व्यवस्थापिका मात्र ध्वस्त पारेकोमा धित नमरेर अब न्यायपालिकामाथि पनि खड्ग चलाउने भूत चढेछ! जो चोर उसको ठूलो स्वर भने झैं संविधानसभाले विशेष व्यवस्था गरेको धारा७६(५)ले निर्दलीयता ल्याउने हौवा पिटिरहेछ!त्यसो भए कमल थापाहरू खुशी हुनुपर्ने हैन र?
— Baburam Bhattarai (@brb1954) July 16, 2021
‘खड्गप्रसाद एण्ड कम्पनीलाई कार्यपालिका र व्यवस्थापिका मात्र ध्वस्त पारेकोमा धित नमरेर अब न्यायपालिकामाथि पनि खड्ग चलाउने भूत चढेछ,’ डा.भट्टराईले ट्वीटरमा लेखेका छन्, ‘जो चोर उसको ठूलो स्वर भने झैं संविधानसभाले विशेष व्यवस्था गरेको धारा ७६ (५) ले निर्दलीयता ल्याउने हौवा पिटिरहेछ त्यसो भए कमल थापाहरू खुसी हुनुपर्ने हैन र ?’
