काठमाडौँ । नेकपा एमालेका नेता गोकर्ण विष्टले पार्टी एकताका लागि निरन्तर प्रयत्न गर्ने बताएका छन् ।
उनले विभिन्न घटनाक्रमहरुमा पनि एकताका लागि धैर्यता राख्नका लागि पार्टीका अन्य नेताहरुलाई पनि आग्रह गरेका छन् ।
सामाजीक संजालमा लेख्दै उनले भनेका छन्, ‘हामी पार्टीलाई एकताबद्ध गर्न निरन्तर प्रयत्न गरिरहेका छौँ । अनेकन प्रतिक्रियाहरूको बीचमा पनि पार्टी एकताको लागि हाम्रो प्रयत्न कायमै रहनेछ । यसबीचमा देखापर्ने विभिन्न घटनाक्रमहरुमा पनि एकताका लागि धैर्यता नगुमाऔं । पार्टी पंक्तिले एकता चाहेको छ । भावी पुस्तालाई सबल र एकीकृत कम्युनिस्ट आन्दोलन हस्तान्तरण गर्ने हाम्रो दृढ प्रयत्नले अवश्य पनि सफलता पाइ छोड्ने छ ।’
प्रतिक्रिया दिनुहोस्
