काठमाडौँ । पछिल्लो समय शीर्ष नेताहरुसँग भेटवार्ता तीव्र पारेका नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले आज प्रधानमन्त्री शेरबहादुर देउवालाई भेट्ने भएका छन् ।
देउवा र विप्लवबीच अपराह्न ४ बजे भेटवार्ता हुने बताइएको छ ।
विप्लवले योभन्दा अगाडी नै एमालेका नेता माधवकुमार नेपाल, माओवादी केन्द्रका अध्यक्ष पुष्पकमल दाहाल प्रचण्ड तथा र जसपाका शीर्ष नेता उपेन्द्र यादव र बाबुराम भट्टराईसँग भेटवार्ता गर्दै आएका छन् ।
निवर्तमान प्रधानमन्त्री केपी शर्मा ओलीसँग गरेको ३ बुँदे सहमतिको कार्यन्वयन हालसम्म नभएको हुँदा सोही विषयमा आज प्रधानमन्त्री देउवासँग छलफल हुने बताइएको छ ।
विभिन्न पार्टीका नेताहरुसँग भेटघाट तीव्र बनाएका विप्लवको रणनीतिबारे धेरैको चासो देखिएको छ ।
प्रतिक्रिया दिनुहोस्
