ओलम्पिक खेल आजबाट जापानको टोकियोमा शुरु भएको छ ।
ओलम्पिक खेलअन्तर्गत आज बिहान जापान र अष्ट्रेलियाबीच प्रतिस्पर्धा भएको थियो भने दिउँसो इटाली र अमेरिका तथा मेक्सिको र क्यानाडाबीच प्रतिस्पर्धा हुने भएको छ ।
त्यस्तै आजै महिला फुटबलतर्फ ६ समुहबिच प्रतियोगिता पनि हुनेछ । ओलम्पिक खेलको औपचारिक शुरुवात भने आगामि शुक्रबारबाट हुनेछ ।
‘टोकियो २०२०’ नाम दिएको उक्त ओलम्पिकमा नेपालबाट पनि ४ खेलमा ५ खेलाडिले प्रतिस्पर्धा गर्नेछन् ।
जसमा पौडीबाट गौरिका सिंह, एलेक्जान्डर ग्याडिगाड शाह, एथ्लेटिक्सकी सरस्वती चौधरी, सुटिङकी कल्पना परियार र जुडोकी सोनिया भट्ट रहेका छन् ।
पौडि, जुडो र सुटिङका खेलाडिहरु टोकियो पुगिसकेका छन् भने एथ्लेटिक्सका खेलाडी भने ओलम्पिक सुरु भएको भोलिपल्ट अर्थात जुलाई २४ मा जापान जानेछन् ।
खेलाडि, प्रशिक्षक लगायत अन्य सदस्य गरि २६ सदस्यीय टोलि ओलम्पिकका लागि जापान जाने छन् ।
