काठमाडौँ । नेकपा एमालेका वरिष्ठ नेता माधवकुमार नेपाल पार्टीका अर्का नेता भीम रावललाई भेट्न टोखा पुगेका छन् ।
नेपाल पक्षको आजको स्थायी कमिटीको बैठकमा रावल अनुपस्थित रहेपछि उनी रावललाई भेट्न टोखा पुगेका हुन् ।
नेता रावल नेपाल पक्षका नेता हुन् तर उनले आइतबार सांसद पदबाट राजीनामा दिएपछि नेपाल पक्षको बैठकमा सहभागी छैनन् ।
माधव नेपालको बैठकमा अनुपस्थित भएपछि रावलले गुट परिवर्तन गरेको आशंका पनि गरिएको छ ।
सांसद पदबाट राजीनामा दिएका रावललाई राजीनामा फिर्ता गर्न दबाब आइरहेको छ ।
प्रतिक्रिया दिनुहोस्
