बाँके । बाँकेको डुडुवा खोलामा डुबेका तीन जना युवा मृत भेटिएका छन् ।
उनीहरुको पौडी खेल्न जाने क्रममा डुबेर मृत्यु भएको हो ।
मृत्यु हुनेमा नेपालगञ्ज उप–महानगरपालिका ११ का १८ वर्षिय राशिद जसगढ, सोही ठाउँका १८ वर्षिए अरमान जसगढ र १६ वर्षिय आरिफ जसगढ रहेको बताइएको छ ।
उनीहरु त्यस नहरमा पौडी खेल्ने क्रममा बेपत्ता भएको भन्ने खबर पाएपछि ईलाका प्रहरी कार्यालय कोहलपुरबाट खटिएको प्रहरीले उनीहरुको शव फेला पारेको बाँकेका प्रहरी प्रवक्ता मधुसुदन न्यौपानेले बताए ।
उनीहरुको शव परीक्षण गर्न भेरी अस्पताल पठाइएको छ ।