काठमाडौं- प्रधानमन्त्री शेरबहादुर देउवासँग नेपालस्थित जापानी राजदूत किकुता युताकाले भेट गर्दै बधाई दिएका छन् । प्रधानमन्त्री निवास बालुवाटारमा बिहीबार भएको भेटमा प्रधानमन्त्रीमा नियुक्त भएकोमा देउवालाई राजदूत युताकाले बधाई एवम् शुभकामना दिएका थिए ।
राजदूत युताकाले जापानी प्रधानमन्त्री सुगा योसिहिदेले पठाएको बधाई सन्देश पनि हस्तान्तरण गरेका थिए । भेटमा प्रधानमन्त्री देउवाले नेपाल र जापानबीचको द्विपक्षीय सम्बन्धलाई अझै बलियो बनाउने बारेमा छलफल गरेकाे उनको निजी सचिवालयले जनाएको छ ।
कोरोनाविरुद्धको १६ लाख डोज अष्ट्राजेनेका खोप नेपाललाई अनुदानमा उपलब्ध गराउन लागेकामा प्रधानमन्त्री देउवाले जापान सरकारलाई धन्यवाद पनि दिए ।
Accepting a token of love from Mr. Kikuta Yutaka, Japan’s ambassador to Nepal, at Baluwatar today. Thank you for the good news that the 1.6 million #AstraZeneca vaccine donated by Japan will arrive in Kathmandu soon, and for pledging to provide more vaccine in near future. pic.twitter.com/bTESWTKOa4
— Sher Bahadur Deuba (@SherBDeuba) July 22, 2021
उक्त खोप केही दिनमै नेपाल आउने पनि जनाइएको छ । राजदूत युताकाले भने भविष्यमा थप खोप पनि नेपाललाई दिने प्रतिवद्धता जनाएको प्रधानमन्त्री देउवाको निजी सचिवालयले जानकारी दिएको छ ।
