काठमाडौं- नेपाल प्रहरीका प्रहरी वरिष्ठ उपरीक्षक (एसएसपी) सौरभ राणालाई प्रहरी नायब महानरीक्षक (डीआईजी) मा बढुवा गर्न सिफारिस गरिएको छ ।
उनलाई बिहीबार गृह मन्त्रालयमा बसेको बढुवा समितिको बैठकले डीआईजीमा बढुवा गर्न सिफारिस गरेको हो ।
हाल रिक्त रहेको एक जना डिआइजीको दरबन्दीमा एसएसपी राणालाई बढुवा सिफारिस गरिएको गृह मन्त्रालय जनाएको छ ।
प्रहरी नायब महानिरीक्षक (डिआइजी) सहकुल थापा प्रहरी अतिरिक्त महानिरीक्षक (एआइजी) मा बढुवा भएपछि एक डिआइजीको दरबन्दी रिक्त थियो ।
राणा हालका प्रहरी महानिरीक्षक शैलेश थापा क्षेत्रीको ब्याचका प्रहरी अधिकारी हुन् । राणा हाल गौतमबुद्ध अन्तर्राष्ट्रिय विमानस्थल भैरहवामा कार्यरत छन् ।
प्रतिक्रिया दिनुहोस्
