काठमाडौँ । चितवनकी सुजिता भण्डारीको मृत्युका विषयमा उनका परिवारले आत्महत्याका लागि दुरुत्साहन गरिएको भन्दै जिल्ल्ला प्रहरी कार्यालयमा मुद्दा दर्ता गरेका छन् ।
सुजिताकी आमा अम्बिका भण्डारीले आफ्नै आफन्त पर्ने एक युवकको नाम तोकेर प्रहरी कार्यालयमा मुद्दा दर्ता गरेको बताइएको छ ।
सुजिताको शव परिक्षण गर्दा उनको शरीरमा कुनै पनि चोटपटक नदेखिएको तथा उनको योनी परीक्षण गर्दा हाइमेन नच्यातिएको हुनाले प्रहरीले बलात्कार नभएको पुष्टि गरेको थियो ।
असार २० गते ब्रह्मास्थान सामुदायिक वनको भिरको खोल्सोमा सुजिताको शव भेटिएको थियो।
उनी असार ११ गते घरबाट हराएकी थिइन् । त्यसको ९ दिनपछि आइतबार साँझ उनको शव नजिकैको जंगलमा भेटिएको थियो । शव भेटिएलगत्तै आक्रोशित स्थानीयले प्रदर्शन गरेका थिए ।