काठमाडौँ । पुष्पलाल मित्रता केन्द्रको आयोजनामा आज आयोजना हुन लागेको एक कार्यक्रममा विभिन्न नेताहरुले सम्बोधन गर्ने भएका छन् ।
आजको कार्यक्रममा नेकपा माओवादी केन्द्रका अध्यक्ष पुष्पकमल दाहाल प्रचण्ड, एमालेका वरिष्ठ नेता माधवकुमार नेपाल, नेकपाका महासचिव नेत्रविक्रम चन्द विप्लव र नेकपा (क्रान्तिकारी) माओवादीका अध्यक्ष मोहन वैद्यलगायतका नेताहरुले सम्बोधन गर्ने कार्यक्रम रहेको छ ।
कार्यक्रममा एमालेका नेता नेपाललाई बोलाउँदा एमालेकै अध्यक्ष केपी शर्मा ओलीलाई भने निम्तो गरिएको छैन ।
ललितपुरको च्यासलस्थित तुलसीलाल स्मृति प्रतिष्ठान भवनमा दिउँसो साढे १२ बजे कार्यक्रम शुरु हुने जनाइएको छ ।
उपस्थित नेताहरुले ‘नेपाली कम्युनिष्ट आन्दोलनको वर्तमान संकट र आगामी बाटो’ शिर्षकमा प्रवचन गर्नेछन् ।
प्रतिक्रिया दिनुहोस्
