काठमाडौं- राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच आज साँझ राष्ट्रपति भवनमा समसामयिक विषयमा छलफल भएको छ ।
‘सम्माननीय राष्ट्रपति र प्रधानमन्त्रीज्यूबीच समसामयिक विषयमा छलफल भएको हो । सम्माननीयज्यूहरूबीच यो नियमित भेटवार्ता हो’, छलफलबारे सङ्क्षिप्त जानकारी दिँदै राष्ट्रपतिका प्रमुख स्वकीय सचिव भेषराज अधिकारीले भने ।
भेटमा राष्ट्रपति भण्डारीले मन्त्रिपरिषद् विस्तारबारे पनि चासो राखेको बताइएको छ । सरकारमा माओवादी केन्द्र र कांग्रेसका गरी चार जना मन्त्री छन् ।
मन्त्रिपरिषद् विस्तारका लागि प्रधानमन्त्री देउवाले जसपा र माओवादी केन्द्रका तर्फबाट मन्त्रीको नामावली पर्खिहरेका छन् ।
[प्रधानमन्त्री शेरबहादुर देउवाले सपथग्रहण गर्दाको तस्बिर । तस्बिर रासस ।]
प्रतिक्रिया दिनुहोस्
