काठमाडौँ । यातायात व्यवसायीहरुले सवारीको चाबी प्रधानमन्त्री शेर बहादुर देउवालाई बुझाएका छन्।
उनीहरुले आज आइतबार काठमाडौँका सिडिओ कालीप्रसाद पराजुलीमार्फत सरकारलाई चाबी बुझाएका हुन् ।
उनीहरुले चाबीसँगै एउटा ज्ञापनपत्र पनि बुझाएका छन् । जसमा खोपको व्यवस्था मिलाउन, भाडा समायोजन गर्नुपर्ने लगायतका मागहरु राखिएको छ ।
आफूहरुको मागलाई सरकारले बेवास्ता गरेको उनीहरुको गुनासो छ ।
उनीहरुले व्यवसायीहरुले एउटै प्रदेश भित्र चल्ने गाडीहरुको भाडा समायोजन हुनुपर्ने, यातायात क्षेत्रमा रहेकालाई कोभिड–१९ विरुद्धको खोप लगाइनुपर्ने लगायतका मागहरु राखेका छन् ।
यातायात व्यवासायीहरुको चर्को दबाबका कारण केही दिनअगाडीबाट सरकारले लामो दूरीका सार्वजनिक यातायातहरु चल्न दिने निर्णय गरिसकेको छ तर अन्य धेरै कुराहरुलाई सरकारले बेवास्ता गरेको भन्दै यातायात व्यवसायीहरु आन्दोलनमा उत्रेका हुन् ।
