काठमाडौं- बलात्कारपछि हत्या गरिएकी निर्मला पन्तलाई न्याय माग्दै काठमाडौंमा प्रदर्शन गरिएको छ । २०७५ साउन १० गते भएको घटनाको आइतबार ३ वर्ष पुगेको तर, घटनाको तीन वर्ष पुरा हुँदासमेत सरकारले हत्यारा पत्ता लगाउन नसकेको भन्दै अखिल क्रान्तिकारीले माइतिघरमा प्रदर्शन गरेको हो ।
उनीहरुले मुलुकमा महिला हत्या हिंसा घटनामा कमी नआएको भन्दै नारावाजी गरेका थिए । त्यस्तै प्रदर्शनमा उत्रिएका विद्यार्थीहरुले संविधान नै संशोधन गरी बलात्कार र हत्या गर्नेलाई फाँसीको सजाय दिनुपर्ने बताएका थिए ।
घर नजिकै रहेको उखुबारीमा साउन ११ गते घोप्टो परेको अवस्थामा निर्मलाको शव भेटिएको थियो ।
पोष्टमार्टम रिपोर्टबाट निर्मलाको बलात्कारपछि घाँटी थिचेर हत्या गरिएको पाइएको थियो ।
प्रतिक्रिया दिनुहोस्
