खाने कुराले हाम्रो शारीरिक मात्र होइन हाम्रो मानसिक स्थितिमा सीधा प्रभाव पार्छ । जर्नल अफ पर्सनलाइज्ड मेडिसिनमा प्रकाशित एउटा अध्ययनका अनुसार ३० वर्ष भन्दा माथिका महिलाहरू जसले स्वस्थ आहार पाउँदैनन् उनीहरू चिन्ता, उदासिनता र तनावको चपेटामा पर्दछन् ।
न्यूयोर्कको विन्मटन विश्वविद्यालयका अन्वेषकहरूले ३० वर्षका महिला र ३२२ पुरुषहरू अध्ययन गरे । आहार बानी, शारीरिक गतिविधि र ती सबैको मुडअनुसारका बोलीहरू पनि उनीहरूको अध्ययनमा समावेश थिए ।
तिनीहरूले पत्ता लगाए कि पुरुषहरू वा महिलाहरू जसले अधिक फ्रुट, माछामासु, हरियो सागसब्जी खान्छन् उनीहरू अन्य मानिसहरूभन्दा बढी खुसी छन् ।
यसको विपरित, अधिक फास्ट फूड खाने व्यक्तिहरू, बिहानको खाजा नखाने मानिसहरू मुड बदल्न सक्ने सम्भावना बढी हुन्छ । उच्च ग्लाइसेमिक सूचकांकको खाना जस्तै आलु, चिप्स, मिठाई वा सेतो रोटीले रगतमा चिनीको मात्रा चाँडै बढाउँछ ।
महिलाहरूमा यी चीजहरू खाने बानी अधिक हुन्छ । जसकारण उनीहरूमा पुरुषमाभन्दा बढी नकारात्मक साइड इफेक्ट हुन्छ । अस्वास्थ्यकर आहार लिने प्रभाव पुरुषकोभन्दा महिलाको मानसिक स्वास्थ्यमा बढी हुन्छ ।
अन्वेषकहरूले यो पनि प्रमाणित गरे कि यी सहभागीहरूको मनोवैज्ञानिक स्वास्थ्य कायम राख्न व्यायामको विशेष भूमिका छ ।
ती महिला वा पुरुषहरू जसले नियमित व्यायाम गर्छन्, उनीहरूको मानसिक अवस्था व्यायाम नगर्नेहरू भन्दा उत्तम छ । दैनिक भास्करबाट
