जनता समाजवादी पार्टीको आधिकारिकता विवाद समाधानका निम्ति निर्वाचन आयोगले गरेको ‘हेड काउन्ट’मा अधिकांश कार्यकारिणी सदस्यहरू उपेन्द्र यादवको पक्षमा देखिएका छन् ।
यसअघि महन्थ ठाकुरका पक्षमा रहेका मनिष सुमन, राजकिशोर यादव, रेणु गुरुङलगायतका नेताहरू यादव पक्षमा लागेका हुन् ।
‘पार्टी विभाजन गर्न चाहनेलाई सहयोग गर्न सकिएन, त्यसैले जसपाको पक्षमा हस्ताक्षर गरेका हौँ,’ मनिष सुमनले सञ्चारकर्मीहरूसँग भने ।
ठाकुरनिकट नेतासमेत रहेका राष्ट्रिय सभाका सदस्य मृगेन्द्रसिंह यादवले महन्थ ठाकुरहरूले किर्ते गरेको आरोप लगाएका छन् । ‘ओली प्रतिगामी हो, त्यस्तालाई साथ नदिने भनेर हाम्रो निर्णय थियो । तर महन्थ ठाकुरहरू उता लाग्नुभयो । किर्ते गर्नुभयो । त्यसैले हामी जसपाको पक्षमा उभिएका हौँ ।’
नेता मोहम्मद इश्तियाक राईले ५१ सदस्यीय कार्यकारिणीमध्ये ३५ जना भन्दा बढी उपेन्द्र यादव पक्षमा देखिएको दाबी गरेका छन् ।