जनता समाजवादी पार्टी नेपालका कार्यकारिणी सदस्य एवं सांसद रेशम चौधरी आज निर्वाचन आयोग पुगेका छन् ।
यसअघि उनको हस्ताक्षर जेलबाटै सनाखत गर्ने तयारी थियो। आयोगले पनि जेलमै गराउन पत्र पठाएको थियो।
आयोग पुगेपछि उनले जसपाका दुवै अध्यक्ष उपेन्द्र यादव र महन्थ ठाकुरसँग छलफल गरेका छन् ।
उनी आयोग आएसँगै निर्वाचन आयोग परिसरमा सुरक्षा व्यवस्था कडा पारिएको छ ।
जसपामा आधिकारिकता विषयमा टुंगो लगाउन निर्वाचन आयोगले हेड काउन्टका लागि ५१ सदस्यीय कार्यकारिणी सदस्यलाई लागि निर्वाचन आयोग बोलाएसँगै उनी निर्वाचन आयोग गएका हुन् ।
उनी उपेन्द्र यादव पक्षको सनाखत गर्ने ठाउँमा पुगेकोले उनले उपेन्द्र यादवकै पक्षमा हस्ताक्षर गर्ने संभावना रहेको छ ।