इजरायलमा सुसारे (केयरगिभर) रूपमा एक हजार नेपाली दक्ष श्रमिकको माग भएअनुसार सरकारले एकैपटक एक हजार जना श्रमिकलाई इजरायल पठाउने गरी विज्ञापन प्रकाशित गरेको छ ।
सरकारले मागेको १ हजार आवेदनमध्ये महिला एक महिला ७०० र पुरुष ३०० जना छनोट हुनेछन् ।
यसरी जाने श्रमिकले महिनामा १६०० सय अमेरिकी डलर अर्थात् एक लाख ९२ हजार बराबर मासिक तलब पाउनेछन् ।
सूचना अनुसार इजरायलको नियम अनुसार ओभरटाइम काम गर्न पाइन्छ भने सातामा ६ दिन काम गर्नुपर्ने हुन्छ । साथै प्रत्येक साता ४२ घण्टा काम गर्नुपर्ने हुन्छ । कामदारले इजरायलको नियमअनुसार विदा पाउनेछन् भने कामदारको खाना खर्च आफैले बेहोर्नुपर्नेछ ।
सुरुमा एक वर्षको करार ५ वर्षसम्म थप गर्न सक्ने व्यवस्था गरिएको बताइएको छ । पासपोर्टको म्याद कम्तिमा ३ वर्ष पुगेको र विगतमा इजरायलमा काम नगरेकाहरुले आवेदन दिनसक्ने विभागले जनाएको छ ।
आवेदनका लागि २५ वर्ष पूरा भइ ४५ वर्ष ननाघेको नेपाली नागरिक, कम्तीमा १.५ मिटर उचाइ र कम्तीमा ४५ किलो तौल भएको हुनुपर्नेछ भने कम्तीमा १० कक्षा उत्तीर्ण गरी अनमी वा सीएमए सम्बन्धी विषयमा कम्तीमा १५ महिना अध्ययन पूरा गरेको वा १० प्लस २ वा सो सरहको शैक्षिक योग्यता हासिल गरेको हुनुपर्नेछ ।