नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले गण्डकी प्रदेश प्रमुखका रूपमा पुरानै प्रदेश प्रमुख अमिक शेरचनको नाम सिफारिस गरेका छन् ।
मंगलवार प्रधानमन्त्री शेरबहादुर देउवालाई प्रचण्डले पुरानै प्रदेश प्रमुखलाई नियुक्त्ति दिन भन्दै सिफारिस गरेका हुन् ।
यसअघि तत्कालीन प्रधानमन्त्री केपी शर्मा ओलीले गण्डकीमा शेरचनलाई हटाएर सीता पौडेललाई नियुक्त गरेका थिए ।
पूर्ववर्ती सरकारले गरेका निर्णयहरू खारेज गर्ने क्रममा प्रदेश प्रमुखहरूको पनि जागिर गएको हो ।
बाँकी प्रदेश प्रमुख राजनीतिक भागबण्डाका आधारमा तय गरिने नेताहरूको तयारी छ ।
शेरचनको नियुक्ति मन्त्रिपरिषदको सिफारिसमा राष्ट्रपतिबाट हुने संवैधानिक प्रावधान छ ।