काठमाडौँ । बितेको २४ घण्टामा काठमाडौं उपत्यकामा थप ७ सय ७४ जनामा कोरोना भाइरसको संक्रमण पुष्टि भएको छ।
जसमध्ये काठमाडौंका ४७५ जना, ललितपुरका १६७ जना र भक्तपुरका १३२ जना छन्।
नेपालमा बितेको २४ घण्टामा थप ३ हजार ८९९ जना कोरोना संक्रमण पुष्टि भएको छ ।
पछिल्लो २४ घण्टामा १२ हजार ६५५ नमूना पिसिआर परीक्षण गर्दा २ हजार ७२६ मा संक्रमण देखिएको हो भने एन्टिजेन विधिबाट ४ हजार ८६३ गर्दा ११७३ मा संक्रमण देखिएको हो ।
सोही अवधिमा थप २० जनाको संक्रमणका कारण मृत्यु भएको छ भने १ हजार ७७८ जना कोरोनाबाट मुक्त भएका छन्।
प्रतिक्रिया दिनुहोस्
