काठमाडौं- जनता समाजवादी पार्टी,नेपाल (जसपा) ले केन्द्रीय समिति सदस्यहरूको नामावली अद्यावधिक गर्न पाँच सदस्यीय कार्यदल गठन गरेको छ ।
यस्तै जसपा र नेपाल लोकतान्त्रिक पार्टी (शिवलाल समूह) बीच पार्टी एकता सम्पन्न गर्दै सो पार्टीका अध्यक्ष शिवलाल थापालाई कार्यकारिणी समितिमा थप्ने निर्णय पनि गरेको छ ।
बुधबार बसेको कार्यकारिणी समितिको बैठकले यस्तो निर्णय गरेको अध्यक्ष उपेन्द्र यादव पक्षका एक सदस्यले जानकारी दिए ।
‘केन्द्रीय समिति सदस्यहरूको नामावली अद्यावधिक गर्न मृगेन्द्रसिं यादव, रेणु यादव, गंगा श्रेष्ठ, गजाधर यादव र रमेश यादव रहने गरी ५ सदस्यीय अद्यावधिक कार्यदल बनेको छ । कार्यदलले १७ गतेभित्र कार्य सम्पन्न गर्नुपर्ने छ,’ उनले भने ।
प्रतिक्रिया दिनुहोस्
