काठमाडौँ । नेपाली कांग्रेसमा क्रियाशील सदस्यताबारे विवाद बढ्दै गएको छ ।
क्रियाशील सदस्यको विषयमा देखिएको विवाद समाधान गर्न आज शेरबहादुर देउवा, वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौलाबीच छलफल हुने भएको छ ।
गत बिहीबारको पदाधिकारी बैठकले क्रियाशीलमा देखिएका विवाद हाल गर्न शीर्ष नेताहरुलाई जिम्मेवारी दिने निर्णय गरेको थियो ।
क्रियाशीलमा धाँधली भएको भन्दै जिल्लाका नेता तथा कार्यकर्ता केन्द्रीय कार्यालय सानेपामा २० दिनदेखि धर्ना दिइरहेका छन्।
क्रियाशील सदस्यको विवादका कारण वडा तहको अधिवेशन स्थगित भएको थियो । सम्पूर्ण तयारी नभएकोले कांग्रेसको महाधिवेशन सर्ने पक्का छ ।