काठमाडौँ । जनता समाजवादी पार्टी जसपा नेपालका लुम्बिनी प्रदेशका मन्त्रीहरु सांसद पदबाट पदमुक्त भएका छन् ।
पदमुक्त हुनेमा सन्तोषकुमार पाण्डेय, विजय बहादुर यादव र कल्पना पाण्डेय रहेको प्रदेशसभा सचिवालयका सचिव दुर्लभकुमार पुनले जानकारी दिए ।
उनीहरु शंकर पोखरेलको नेतृत्वमा बनेको सरकारमा सहभागी हुँदै मन्त्री बनेका थिए । लुम्बिनी प्रदेशमा जसपाका ६ जना सांसद रहेका छन् ।
केन्द्रमा अध्यक्ष उपेन्द्र यादवले पार्टीको आधिकारिकता प्राप्त गरेपछि फेरि पार्टीको निर्देशन नमानेको भन्दै कारवाही गरेको प्रदेश सभामा पत्र पठाएको छ ।