काठमाडौँ । नेकपा माओवादी केन्द्रका प्रवक्ता नारायणकाजी श्रेष्ठले एमालेको माधवकुमार नेपाल पक्ष र जनता समाजवादी पार्टीका कारण मन्त्रिपरिषद विस्तार हुन नसकेको बताएका छन् ।
आइतबार बसेको माओवादीको स्थायी समिति बैठकपछि पत्रकारहरुसँग कुरा गर्दै नेता श्रेष्ठले यस्तो बताएका हुन् ।
‘जसपा र माधव नेपालपक्षलाई पर्खिएकाले मन्त्रिपरिषद् विस्तारका विषयमा ढिला भइरहेको छ। केही समय माग्नु भएको छ।’ उनले भने ।
नेता श्रेष्ठका अनुसार आज अध्यक्ष प्रचण्डले गठबन्धनका नेताहरुसँग छलफल गर्नेछन् ।
आजको स्थायी कमिटीको बैठकमा मन्त्री छान्ने विषयमा कुनै पनि छलफल नभएको उनले बताए । मन्त्री छान्नका लागि भोलि दिउँसो ३ बजे फेरी स्थायी कमिटीको बैठक बोलाइएको छ ।
प्रतिक्रिया दिनुहोस्
