काठमाडौँ । नेकपा माओवादी केन्द्रको स्थायी कमिटीको बैठक सकिएको छ ।
आजको बैठकले २ वटा महत्वपूर्ण निर्णय गरेको छ ।
बैठकले साउन २० गते तोकिएको बैठकलाई साउन ३० गतेलाई सार्ने निर्णय गरेको छ । त्यस्तै साउन ३० गतेभित्र देशभरका सबै वडामा कमिटी गठन गरेर त्यसको रिपोर्ट ल्याउन केन्द्रीय समिति सदस्यहरुलाई निर्देशन समेत दिएको छ ।
नेकपा माओवादी केन्द्रका अध्यक्ष पुष्पकमल दाहाल प्रचण्डले नेकपा एमालेको माधवकुमार नेपाल समूह पनि सरकारमा सहभागी हुने संकेत गरेका छन् ।
आइतबार बसेको स्थायी कमिटीको बैठकमा अध्यक्ष प्रचण्डले माधव समूह पनि सरकारमा सहभागी हुने बताएका हुन् ।
स्थायी कमिटीको बैठक सुरु हुनुअघि प्रचण्ड माधव नेपाललाई भेट्न कोटेश्वर पुगेका थिए ।
आजको स्थायी कमिटीको बैठकले सरकारमा सहभागी हुने मन्त्रीको टुंगो भने लगाएको छैन ।
प्रवक्ता श्रेष्ठले एमालेको माधवकुमार नेपाल पक्ष र जनता समाजवादी पार्टीका कारण मन्त्रिपरिषद विस्तार हुन नसकेको बताएका छन् ।
‘जसपा र माधव नेपालपक्षलाई पर्खिएकाले मन्त्रिपरिषद् विस्तारका विषयमा ढिला भइरहेको छ। केही समय माग्नु भएको छ।’ उनले भने ।
नेता श्रेष्ठका अनुसार आज अध्यक्ष प्रचण्डले गठबन्धनका नेताहरुसँग छलफल गर्नेछन् ।
