काठमाडौँ । नेकपा एमालेका अध्यक्ष केपी शर्मा ओलीले शेरबहादुर देउवा नेतृत्वको सरकारले दादागिरी देखाउन लागेको आरोप लगाएका छन् ।
आइतबार आइतबार तुलसीलाल अमात्यको २४ औं स्मृतिका अवसरमा आयोजित कार्यक्रममा बोल्दै ओलीले यस्तो आरोप लगाएका हुन् ।
उनले देउवा सरकारले दमन र दादागिरी देखाउन लागेको भन्दै आवश्यक परे आफूहरुले सरकारको प्रतिरोध गर्ने पनि बताएका छन् ।
कार्यक्रममा बोल्दै ओलीले आफ्नै पार्टीका केही नेताहरुको स्वार्थका कारण आफ्नो सरकार ढलेको दुख पोखे ।
उनले एमालेको माधव पक्षलाई ‘बेसरम’ को संज्ञा दिएका छन् । कार्यक्रममा बोल्दै उनले भने, ‘आफ्नै पार्टीको सरकार ढालेर प्रतिपक्षमा पुगेर बेसरम कामहरु भएका छन् ।’
उनले देउवा नेतृत्वको सरकारले दमन गर्न सुरु गरेको आरोपसमेत लगाएका छन् ।
प्रतिक्रिया दिनुहोस्
