काठमाडौँ । नेकपा एमाले स्थायी कमिटी बैठक आज पनि बस्ने भएको छ ।
ललितपुरको च्यासलस्थित तुल्सीलाल स्मृति प्रतिष्ठानको भवनमा दिउँसो ३ बजे बैठक बस्ने एमाले केन्द्रीय कार्यालय सचिव शेरबहादुर तामाङले जानकारी दिए ।
आजको बैठकमा केन्द्रीय विभागहरुको पूर्णता, विधान महाधिवेशन छलफल हुनेछ ।
पार्टीका अध्यक्ष केपी शर्मा ओलीले बोलाएको कुनै पनि बैठकमा सहभागी नभएको एमालेको माधव कुमार नेपाल समूह आजको बैठकमा पनि उपस्थित हुने सम्भावना कम रहेको छ ।
एमालेको माधव कुमार नेपालका कारण एमाले एकता अगाडी बढ्न नसकेको आरोप ओली पक्षका नेताहरुले लगाएका छन् ।
नेता नेपालले अध्यक्ष ओली बराबरकै हैसियत खोजिरहेको नेताहरुले बताएका छन् ।
प्रतिक्रिया दिनुहोस्
