लुम्बिनी प्रदेशका मुख्यमन्त्री शंकर पोखरेललाई पदबाट हटाएर नयाँ सरकार गठनका लागि विपक्षी दलहरुले प्रदेश प्रमुखलाई निवेदन दिन लागेका छन् ।
विपक्षी दलहरु नेकपा माओवादी तथा नेपाली काँग्रेसलगायतका दलहरुले पोखरेललाई हटाएर नयाँ सरकार गठन गर्न माग गर्दै प्रदेश प्रमुखलाई निवेदन दिने तयारी गरेका हुन् ।
विपक्षी दलले संविधानको धारा १६८ को उपधारा २ बमोजिमको सरकार गठनका लागि आह्वान गर्न तयारी गरिरहेको बताइएको छ ।
त्यसो त मुख्यमन्त्री पोखरेलले अब छिट्टै नै विश्वासको मत लिने बताएका छन् । केही दिन अगाडी बसेको मन्त्रिपरिषदको बैठकपछि सरकारका प्रवक्ताले मुख्यमन्त्रीले छिट्टै नै विश्वासको मत लिने बताएका थिए ।
लुम्बिनीमा पोखरेल नेतृत्वको सरकारको वैधतामाथि विपक्षी दलहरूले निरन्तर प्रश्न उठाईरहेका छन् । उनले अल्पमतको सरकार चलाईरहेको आरोप लागेकै धेरै समय भइसकेको छ ।
यस्तै केन्द्रीय सरकारमा जनता समाजवादी पार्टी जसपाको आधिकारिता उपेन्द्र यादव पक्षले पाएसँगै पोखरेलको पद झन् धरापमा परेको देखिन्छ ।
