काठमाडौँ । एक युवकलाई रुखमा बाँधेर कुटपिट गर्ने जाजरकोटको जुनिचाँदे गाउँपाका- २ का वडाध्यक्ष रामबहादुर नेपालीलाई प्रहरीले नियन्त्रणमा लिएको छ ।
उनले गत साउन १५ गते सर्पे दमाइलाई डोरीले बाँधेर कुटपिट गरेका थिए ।
वडा अध्यक्षले स्थानीय युवालाई बाँधेर निर्घात कुटपिट गरेको भिडियो सामाजिक सञ्जालमा भाइरल बनेको थियो ।
सामाजिक सुरक्षा भत्ता बाँड्ने क्रममा होहल्ला गरेको भन्दै वडाध्यक्षले उनलाई कुटेका थिए ।
प्रहरीले भिडियोका आधार र प्रहरी प्रतिवेदन अनुसार मुद्दा चलाउने बताएको छ ।
तर वडाध्यक्षले भने आफूले उनलाई नकुटेको बताएका थिए ।
प्रतिक्रिया दिनुहोस्
