काठमाडौं- आगामी भदौ २४ गतेदेखि अवकाश लिन लागेका नेपाली सेनाका प्रधानसेनापति पूर्णचन्द्र थापा आजदेखि एक महिना बिदामा बस्दै छन् ।
अवकाशको मिति भन्दा एक महिना अघि घर विदा बस्ने प्रचलन अनुसार उनी विदा बस्न लागेका हुन् ।
मंगलबारदेखि नेपाली सेनाको नेतृत्व कायममुकायम प्रधानसेनापति प्रभुराम शर्माले गर्नेछन् ।
राष्ट्रपति विद्यादेवी भण्डारीले २६ साउनदेखि लागु हुनेगरी कायममुकायम प्रधानसेनापति तोकिसकेकी छिन् ।
गत साउन १२ गतेको मन्त्रिपरिषद् बैठकले शर्मालाई प्रधानसेनापति नियुक्त गर्नेगरी कायममुकायम प्रधानसेनापतिको जिम्मेवारी दिने गरेको निर्णय गरेको थियो ।
प्रतिक्रिया दिनुहोस्
