काठमाडौँ । लोकसेवा आयोगले लिने कुनै पनि परीक्षा अब स्थगित नहुने भएको छ ।
आयोगले आ.व. २०७६-०७७ र आ.व. २०७७-०७८ मा विज्ञापन भई परीक्षा सञ्चालन हुन बाँकी विभिन्न तहका परीक्षा कार्यक्रम सञ्चालन गरिरहेको छ ।
कोरोना महामारी बढेको भन्दै यतिबेला सरकारले कक्षा १२ को परीक्षा स्थगित गर्ने निर्णय गरिसकेको छ ।
त्यस्तै विश्वविद्यालयले लिने परीक्षा पनि स्थगित गर्नुपर्ने माग भइरहेको छ ।
तर लोकसेवा आयोगले लिने भनेको परीक्षा भने कुनै पनि हालतमा नरोकिने बताइएको छ ।