कोरोना संक्रमण तथा जोखिम न्यूनीकरणका लागि जारी गरिएको निषेधाज्ञाबारे थप छलफल गर्न आज तीन जिल्ला (काठमाडौं, भक्तपुर र ललितपुर) का प्रमुख जिल्ला अधिकारीबीच बैठक बस्ने भएको छ ।
बैठक मंगलबार दिउँसो ३ बजे बस्ने एक अधिकारीले जानकारी दिए ।
काठमाडौँ उपत्यकामा लकडाउन खुकुलो भएसंगै संक्रमणको डर बढिरहेको छ । निषेधाज्ञा खुकुलो हुनुअघि र खुकुलो भएपछिको अवस्थालाई तुलना गर्ने हो भने अहिले धेरै संक्रमितहरु देखिन थालेका छन् ।
संक्रमितको संख्या घटाउनका लागि निषेधाज्ञालाई थप कडा बनाउनुपर्ने सुझाव विज्ञहरुले दिंदै आएका छन् ।
सोही कारणले काठमाडौँ उपत्यकामा निषेधाज्ञाको समय थप बढाउने तयारी भइरहेको छ ।
यसअघि जारी गरिएको निषेधाज्ञा साउन २७ (बुधबार) बाट सकिँदै छ।
प्रतिक्रिया दिनुहोस्
