प्रतिनिधि सभाको आठौँ अधिवेशनको सातौँ बैठक आज बस्ने भएको छ ।
आजको बैठकमा निवर्तमान प्रधानमन्त्री केपी शर्मा ओलीले सम्बोधन गर्ने भएका छन् ।
सरकारबाट हटेपछि संसदमा उनी पहिलोपटक बोल्ने भएका हुन् ।
बैठक सङ्घीय संसद् भवनमा मंगलबार दिउँसो १ बजे बैठक बोलाइएको छ ।
आजको प्रतिनिधिसभा बैठकमा प्रतिनिधि सभाका सचिव गोपालनाथ योगीले राष्ट्रिय सभामा उत्पत्ति भएका नेपाल नागरिक उड्डयन प्राधिकरण विधेयक २०७६ र नेपाल हवाई सेवा प्राधिकरण विधेयक २०७६ को सम्बन्धमा प्राप्त सन्देश टेबुल गर्ने कार्यसूची छ ।