एमालेमा प्रवेश गरेका पूर्व माओवादी नेता मणि थापाले कुलमान घिसिङका बारेमा टिप्पणी गर्दै विद्युत प्राधिकरणमा पुनःनियुक्त हुँदैमा उचाइ नबढ्ने दाबी गरेका छन् ।
बुधवार उनले सामाजिक सञ्जाल ट्वीटरमा लेख्दै उनको नियुक्ति राजनीतिक एजेण्डा मात्र रहेको बताए ।
‘कुलमान घिसिङ सफल व्यक्ति हुन,’ उनले लेखेका छन्, ‘तर उनको पुनःनियुक्ति राजनीतिक एजेन्डा हो । मेरो विचारमा कुलमानको उचाइ यो नियुक्तले वढाउँदैन ।’
कुलमानलाई शेरबहादुर देउवा नेतृत्वको सरकारले चार वर्षका लागि विद्युत प्राधिकरणमा नियुक्त गरेको हो ।
उनले आजै प्राधिकरण पुगेर कार्यभार सम्हालिसकेका छन् ।
यसअघि केपी शर्मा ओली नेतृत्वको सरकारले उनलाई पुनःनियुक्ति दिन अस्वीकार गरेको थियो ।