सत्तारुढ दल नेपाली काँग्रेसका सभापति तथा प्रधानमन्त्री शेरबहादुर देउवाले झन्डै एक महिना बित्न लाग्दा पनि मन्त्रिपरिषद विस्तार गर्न सकेका छैनन् । प्रधानमन्त्रीको हैसियतले मन्त्रिपरिषद विस्तार गर्न सकेका छैनन् भने सभापतिको हैसियतले महाधिवेशन पनि समयमा नै गर्न सकेनन् ।
महिना बित्दा पनि मन्त्रिपरिषद विस्तार गर्न नसक्नु तथा तोकिएको समयमा नै महाधिवेशन गर्न नसक्नुले देउवाको असक्षमतालाई प्रष्ट पारेको छ ।
काँग्रेसका वरिष्ठ नेता रामचन्द्र पौडेलले समयमा नै महाधिवेशन गर्न नसके देउवालाई आगामी भदौ २३ पछि सभापति मान्न नसकिने बताएका थिए । गत साउन २१ गते आफू पक्षीय नेताहरुको भेलामा उनले तोकिएको समयमा नै महाधिवेशन नभए काँग्रेसको वैधानिकता पनि सकिने तथा देउवालाई सभापति मान्न नसकिने बताएका थिए ।
तर देउवाले महाधिवेशनको मिति सार्दा पनि पौडेल पक्षले केही बोल्न सकेको छैन ।
महाधिवेशन सर्यो भने त्यस्तो चेतावनी दिएको पौडेल पक्ष अहिले चुपचाप बसिरहेको छ ।
हिजो बसेको पौडेल पक्षको जिल्ला सभापतिहरुको भेलामा भने पौडेललाई सभापतिहरुले निर्वाचन तालिका किन स्वीकार गरेको भनेर प्रश्नसमेत गरेका थिए ।
त्यतिबेला पौडेल त्यतिबेला मौन रहे . तोकिएको समयमा नै महाधिवेशन हुन सकेन भने देउवालाई सभापति नमान्ने भनेर चेतावनी दिइसकेका पौडेल अहिलेसम्म नबोल्दा कार्यकर्ताहरुले यसलाई गम्भीर रुपमा नै हेरेका छन् ।
पौडेलनिकट एक नेताले भने,’देउवाको निर्णयमा पौडेलले सहजै स्वीकार गर्नाले प्रश्नचिन्ह उठेको छ यसले आगामी दिनहरुमा घाटा हुन सक्छ । ‘ सरकारको नेतृत्व पाएका देउवाले पार्टीलाई समय नदिएको कारण महाधिवेशन समयमा हुन् नसकेको कतिपय नेताहरुको विश्लेषण रहेको छ ।
पछिल्लो समय पौडेल र देउवाको कनेक्सन खासै राम्रो छैन ।
एउटा पार्टी भएर पनि केही विचारहरूमा मतभेद भएका कारण देउवालाई पार्टीभित्रैबाट असहज भएको हो कि भन्ने पनि एकथरीको बुझाई छ ।
देउवाले महाधिवेशन सर्छ भन्ने मानसिकता पहिल्यै बनाइसकेका थिए ।
उनले समयमा नै महाधिवेशन हुन्न भनेर भन्नका लागि उपयुक्त समय नै पाएका थिएनन् । त्यो कुरा सार्वजनिक गर्न उनले धेरैपटक आफू पक्षीय नेताहरुको बैठक तथा पदाधिकारी बैठक बोलाएका थिए ।
तर उनलाई यो कुरा सार्वजनिक गर्न साइत जुरेन वा अरु केही भयो ।
यसबाट देउवा मात्र असक्षम भएका हैनन् । यो सिंगो नेतृत्व असक्षम भएको उदाहरण हो ।
यस्तो लोकतन्त्रविरोधी गतिविधिहरुले काँग्रेसको आगामी पुस्ताहरुलाई पक्कै असर पार्नेछ ।
