काठमाडौं- जर्मन सुपर कपको उपाधि बायर्न म्युनिखले जितेको छ ।
वेस्टफलेनस्टेडियनमा सम्पन्न खेलमा बोरुसिया डर्टमण्डलाई ३-१ गोलअन्तरले पराजित गर्दै बायर्नले उपाधि जितेको हो ।
मंगलबार राति भएको फाइनलमा रोबर्ट लेवान्डोस्कीले दुई गोल गरे । खेलको ४१ औं मिनेटमा लेन्वान्डोस्कीको गोलमा बायर्नले अग्रता बनाएको थियो ।
दोस्रो हाफमा थोमस मुलरले बायर्नको अग्रता दोब्बर बनाए । उनले खेलको ४९ औं मिनेटमा गोल गरेका थिए ।
डर्टमण्डका लागि मार्को रेउसले ६४ औं मिनेटमा गोल गरे पनि जितका लागि पर्याप्त बनेन ।
खेलको ७४ औं मिनेटमा लेवान्डोस्कीले गोल गर्दै खेललाई ३-१ को स्थितिमा पुर्याए । जर्मन सुपर कप जर्मन लिग बुन्डेसलिगा र डिफपी पोकलको विजेताबीच हुने गर्छ ।
प्रतिक्रिया दिनुहोस्
