काठमाडौँ । जनता समाजवादी पार्टी नेपाल (जसपा)को दोस्रो दिनको केन्द्रीय समितिको बैठक सुरु भएको छ ।
काठमाडौँमा जारी आजको बैठकमा प्रधानमन्त्री शेरबहादुर देउवा नेतृत्वको सरकारमा सहभागिता हुने या नहुने भन्ने विषयमा छलफल हुनेछ ।
हिजोको बैठकले समसामयिक राजनीतिवारे छलफल र निर्णय गर्नुका साथै भाद्र १ देखि मंसीर मसान्तसम्म संचालन हुने पार्टी संगठन सुदृढीकरण तथा जनजागरण अभियान(सुज अभियान)को अभिमुखीकरण र शुभारम्भ गरिएको थियो ।