नेकपा एमालेका नेता तथा निवर्तमान प्रधानमन्त्री केपी शर्मा ओलीका प्रेस सल्लाहाकार सूर्य थापाले प्रधानमन्त्री शेरबहादुर देउवा नेतृत्वको सरकार प्रतिगमनको बाटोमा हिँडेको बताएका छन् ।
बुधबार सामाजीक संजालमा लेख्दै उनले देउवा नेतृत्वको सरकार प्रतिगमनको बाटोमा गएर चुनावामा नै जान बाध्य हुने बताएका छन् ।
ओलीले अध्यादेश जारी गर्दा विरोध गर्ने देउवा अहिले आँफैले अध्यादेश जारी गरेकोमा उनले आपत्तिसमेत जनाए ।
महाशयहरू संसदलाई कामै दिइएन भन्थे,
अहिले हठात् अधिवेशन अन्त्य गर्नपुगे, अध्यादेशकाे खुबै विराेध गर्थे,
आज आफैले अध्यादेश जारी गर्न सिफारिश गरेछन्,
प्रतिनिधिसभा विघटनको विराेध गर्दै प्रतिगमन भन्थे,
आपसी हानथाप गर्दै अब त्यही दिशामा अघि बढ्न र चुनावमै जान बाध्य हुनेछन्।
कठपुतली !— Surya Thapa (@ThapajiSurya) August 18, 2021