साताको चौथो दिन आज बुधबार नेपाली बजारमा सुनको मूल्यमा सामान्य वृद्धि भएको छ ।
आज सुन तोलामा २ सय रुपैयाँले बढेको हो ।
मंगलबार ९१ हजारमा कारोबार भएको सुनको मूल्य आज बुधबार दुई सय रुपैयाँले बढेर ९१ हजार २ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
यस्तै आज तेजाबी सुनको मूल्य तोलमा पनि दुई सय रुपैयाँले बढेर ९० हजार सात सय रुपैयाँमा कारोबार भइरहेको छ ।
बुधबार सुनको मूल्य वृद्धि हुँदा यता चादीको मूल्यमा भने गिरावट आएको छ । आज चाँदी पाँच रुपैयाँले घटेर १२ सय पाँच रुपैयाँमा किनबेच भएको महासंघले जनाएको छ ।