काठमाडौं- दल विभाजनलाई सहज बनाउने गरी राजनीतिक दलसम्बन्धी अध्यादेश ल्याएको विरोधमा नेकपा एमालेको भातृ संगठन युवा संघले बुधबार विरोध प्रदर्शन गरेको छ ।
बुधबार काठमाडौंको नयाँ बानेश्वरमा युवा संघका कार्यकर्ताले अध्यादेश ल्याएको भन्दै ¥याली निकालेको हो ।
प्रदर्शनकारीहरुले शेरबहादुर देउवा सरकारको साथै नवगठिन नेकपा एमाले (समाजवादी) पार्टीका अध्यक्ष माधव नेपालविरुद्ध समेत नारा लगाएका थिए ।
युवा संघले अध्यादेशले देश अस्थिरतातर्फ धकेलिएको भन्दै देशभर प्रदर्शन गरेका जनाएको छ ।
प्रतिक्रिया दिनुहोस्
