नेकपा एमालेका अध्यक्ष तथा निवर्तमान प्रधानमन्त्री केपी शर्मा ओलीले आज भक्तपुरमा सम्बोधन गर्ने भएका छन् ।
एमाले भक्तपुरको आयोजनामा हुने कार्यक्रममा ओलीले विशेष सम्बोधन गर्न लागेका हुन्।
आयोजकका अनुसार दिउँसो २ बजे चुनदेवीस्थित इम्पेरियल ब्याङ्क्वेटमा कार्यक्रम सुरु हुने छ ।
एमालेका नेता माधवकुमार नेपालले नयाँ पार्टी खोलेको भोलीपल्ट नै उनले सम्बोधन गर्न लागेका हुन् ।
त्यस्तै आज नै पूर्व प्रधानमन्त्रीसमेत रहेका ३ पार्टीका अध्यक्षहरुले आज एकै मन्चबाट सम्बोधन गर्ने भएका छन् ।
नेकपा माओवादीका अध्यक्ष पुष्पकमल दाहाल ‘प्रचण्ड’, प्रस्तावित नेकपा एमाले समाजवादीका अध्यक्ष माधव नेपाल र जनता समाजवादी पार्टी(जसपा)का संघीय परिषद् अध्यक्ष डा बाबुराम भट्टराईले आज एकै ठाउँबाट सम्बोधन गर्ने भएका हुन् ।
आयोजकका अनुसार आज उनीहरु ‘एक्काइशौं शताब्दीको मार्क्सवाद र समाजवाद’ बारेको अन्तरक्रिया कार्यक्रममा सहभागी हुन लागेका हुन् ।
प्रधानमन्त्री शेरबहादुर देउवा नेतृत्वको सरकारले दल विभाजन अध्यादेश जारी गरेपछि माधव नेपालले एमाले छोडेर नयाँ पार्टीको गठन गरेका थिए ।
