काठमाडौँ । नेकपा माओवादी केन्द्रका अध्यक्ष पुष्पकमल दाहालले निवर्तमान प्रधानमन्त्री केपी शर्मा ओली र शेरबहादुर देउवाले ल्याएक अध्यादेशमा धेरै फरक भएको बताएका छन् ।
बिहीबार समाजवादी केन्द्रले गरेको अन्तरक्रिया कार्यक्रममा बोल्दै उनले यस्तो बताएका हुन् । पहिलाको अध्यादेश र अहिलेको अध्यादेशमा आकाश जमिनको फरक भएको उल्लेख गरे ।
उनले माधव नेपालको नयाँ पार्टी दर्ता हुनेबित्तिकै मन्त्रिपरिषद विस्तार हुने बताए ।
कार्यक्रमलाई सम्बोधन गर्दै प्रचण्डले भने, ‘दर्ता भएको नयाँ पार्टीको सनाखत भएपछि मात्रै मन्त्रिपरिषद् विस्तार हुन्छ, जति छिटो सनाखत हुन्छ उति छिटो मन्त्रिपरिषद विस्तार हुन्छ ।’
प्रतिक्रिया दिनुहोस्
