नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ भाइरल ज्वरोको शिकार भएका छन् । उनी शुक्रवारदेखि अस्वस्थ भएका हुन् ।
ज्वरोले समातेपछि प्रचण्ड निवासमै आराम गरिरहेका छन् । सबै भेटघाट बन्द गरिएको उनको सचिवालय स्रोतले सूत्रन्यूजलाई बतायो ।
‘सामान्य ज्वरो र रुघाखोकी हो,’ सचिवालयले भन्यो, ‘कोभिड टेस्ट नेगेटिभ आएको छ । अहिले उहाँ निवासमै आराम गरिरहनुभएको छ । भेटघाट बन्द छ ।’
राजनीतिक घटनाक्रम तीव्र रूपमा विकसित भइरहेका बेला प्रचण्ड अस्वस्थ भएका हुन् ।
प्रतिक्रिया दिनुहोस्
